Полицейлер қазақстандық Нұрәлі Ахметовке іздеу жариялады

Полицейлер іздеуде жүрген тараздық тұрғынның суретін жариялады. Тәртіп сақшылары оны көрген-білгендер болса, хабар беруін сұрап, халыққа жүгінді. Бұл туралы Алматы облысы полиция департаментіне сілтеме жасаған KAZ.NUR.KZ хабарлайды.

Ведомствоның Instagram-дағы ресми парақшасындағы мәлімет бойынша, 36 жастағы ер адамға Тараз қаласының қылмыстық полиция бөлімі іздеу жариялаған.

"Қылмыс жасағаны үшін Тараз қаласында тұратын 1987 жылы 11 қарашада туған Ахметов Нұрәлі Оразбекұлы іздестіріліп жатыр", - делінген Алматы облыстық полиция департаменті хабарламасында.

Полицейлер іздеудегі ер адамды көрген-білгендер болса, дереу Тараз қаласы Пушкин көшесіндегі 43-үйде орналасқан қалалық полиция бөліміне хабарласуын немесе 8 (7262) 43-06-46, 99-78-18, 8 707 277 06 69, 102 байланыс телефондары арқылы хабарлауын сұрайды.

Айта кетейік, бұған дейін қарақшылық шабуыл жасады деген қазақстандық күдікті Ресейден экстрадицияланғанын хабарлаған едік.

Бас прокуратура өкілдерінің мәлімдеуінше, күдікті 2015 жылы таныстарымен алдын ала сөз байласып, Қарағанды облысы Шахтинск қаласындағы мейрамханалардың біріне қарақшылық шабуыл жасаған.

Мәтіннен қате тапсаңыз, бізге жазыңыз