Астана тұрғыны "Қазпоштада" жанжал шығарып, компьютерді сындырған

Елордадағы "Қазпошта" бөлімшелерінің бірінде 39 жастағы тұрғын компьютерді сындырды. Ол әкімшілік жауапкершілікке тартылды, деп хабарлайды қала әкімдігінің баспасөз қызметіне сілтеме жасаған KAZ.NUR.KZ.

Астана әкімдігінің Telegram-дағы арнасында бұзақылық жасағаны үшін әкімшілік жауапкершілікке тартылған тұрғындар туралы ақпарат пайда болды.

"30 жастағы ер адам Абылай хан даңғылында мас күйінде көліктің терезелерін әдейі бүлдіріп, 400 мың теңге көлемінде залал келтірген.

Тағы бір оқиға "Қазпошта" бөлімшесінде болды. 39 жастағы Астана тұрғыны жанжал кезінде құрылғыны лақтырып, компьютерді қасақана сындырып, материалдық шығын келтірген. Құқық бұзушылардың екеуі де табылып, әкімшілік жауапкершілікке тартылды", - деп хабарлады әкімдік.

Айта кету керек, жыл басынан бері сот бөтеннің мүлкіне қасақана зиян келтірген, қоғамдық орындарды ластаған, ғимараттар мен тұрғын үй-жайларды бүлдіргені үшін 260-қа жуық адамды жазалаған.

Еске салсақ, Қостанай облысында такси жүргізушісін қорлады деп айыптаған тұрғынға 110 мың теңге айыппұл салынғанын хабарлаған едік.

Мәтіннен қате тапсаңыз, бізге жазыңыз