Петропавлда әйел аяусыз соққыға жығылған: полицейлер күдіктіні іздестіріп жатыр

Петропавлда кешкісін белгісіз біреу әйелді ұрып-соққан. Облыстық полиция департаментінің баспасөз қызметі күдікті іздестіріліп жатқанын мәлімдеді, деп хабарлайды Petropavlovsk.news сайтына сілтеме жасаған KAZ.NUR.KZ.

Петропавлдың 49 жастағы тұрғыны ұрып-соғудың құрбаны болды. Полиция мәліметінше, оқиға кешкі сағат 22:30 шамасында аулалардың бірінде болған.

"Бұзақылық ниетпен белгісіз біреу 49 жастағы әйелдің денсаулығына қасақана зиян келтіріп, Қылмыстық кодекстің 107-бабы бойынша ("бұзақылық ниетпен денсаулыққа қасақана ауырлығы орташа зиян келтіру") сотқа дейінгі тергеу басталды", - делінген облыстық полиция департаментінің хабарламасында.

Күдікті іздестірілуде.

Еске салсақ, бұған дейін Шымкентте мас ер адам автобус жүргізушісіне шабуыл жасағанын хабарлаған едік. Оқиға салдарынан бір әйел мерт болды.