Түркістан облысында ер адам ет дүкеніне ұрлыққа түскен (видео)

Түркістан қалалық полиция басқармасының қызметкерлері ет дүкеніне ұрлыққа түскен күдіктіні анықтады. Бұл туралы KAZ.NUR.KZ Polisia.kz порталына сілтеме жасап хабарлайды.

46 жастағы ер адам ұрлықты алдын ала ұйымдастырған. Ол таңғы сағат 4:00 шамасында ет дүкеніне есігін сындырып кірген. Кейін тоңазытқышта тұрған қазы мен еттерді және кассада тұрған ақшаны жымқырған.

Күдікті жәбірленушіге 500 мың теңгеге жуық шығын келтірген. Қазіргі таңда ер адамға қатысты сотқа дейінгі тергеу амалдары жүргізіліп жатыр.

Еске салайық, Шымкентте екі адам тапа-тал түсте пәтер тонағанын жазған едік. Олар алтын бұйымдар мен ақша ұрлап, 800 мың теңге шығын келтірген. Күдіктілер Тараз қаласында ұсталды.

Сондай-ақ Түркістанда 60 жастағы ер адам Алматыға жетіп алу үшін көлік ұрлаған болатын. Көлік Алматыдан табылып, иесіне қайтарылды.