Аудан әкімі алматылық әйелді ұрлық жасады деп айыптады: полиция оқиғаға қатысты түсініктеме берді

Бұған дейін желіде Алматыда аудан әкімі қалалық әйелді әмиян ұрлады деп айыптады деген ақпарат пайда болған еді. Алматы полиция департаментінің баспасөз қызметі өкілдері жағдайға қатысты пікір білдірді, деп хабарлайды KAZ.NUR.KZ.

Оқиға орнында түсірілген видео мен ақпарат Telegram-дағы Egov.press арнасында жарияланды.

"Алматы қаласы Бостандық ауданының тұрғыны Сеңгірбаева Людмила аудан әкімінен үйін таза сумен қамтамасыз етуді талап еткен, бірақ біраз уақыттан кейін аузына темекі ұстаған сабырлы полицей келіп, полиция ғимаратына баруын өтінген, себебі әкім оны күтпеген жерден әмиян ұрлады деп айыптады", - делінген хабарламада.

Алматы қалалық полиция департаменті баспасөз қызметінің өкілі KAZ.NUR.KZ тілшісіне полицейге қатысты тергеу басталғанын мәлімдеді.

"Бостандық ауданының полиция басқармасына қала тұрғындарының бірінен бөтеннің мүлкін ұрлау фактісі бойынша өтініш келіп түсті. Тексеру және мән-жайларды нақтылау шеңберінде жергілікті тұрғын полиция басқармасына шақырылды.

Бұл ретте полиция қызметкерінің мінез-құлқы сынға түсті. Оның үстінен қоғамдық орында темекі шеккені үшін хаттама толтырылды", - деп хабарлады полиция өкілі.