"111 млн теңге ақша алуға ықпал еткен": аппеляциялық сотта бұрынғы спорт комитеті басшысының ісі қаралды

Апелляциялық сот бұрынғы спорт және дене шынықтыру істері комитетінің басшысына қатысты үкімді өзгеріссіз қалдырды. Бұл туралы KAZ.NUR.KZ Астана соттарының баспасөз қызметіне сілтеме жасап хабарлайды.

Астана қалалық сотының баспасөз қызметі мәліметінше, "Штаттық ұлттық командалар және спорт резерві дирекциясы" РМҚК басшысына қатысты сот актісі заңды күшіне енді.

2024 жылғы 5 қарашада Астана қалалық сотының қылмыстық істер жөніндегі сот алқасы С.Ерғалиевке қатысты қылмыстық істі апелляциялық тәртіппен қаралды.

"Астана қаласының қылмыстық істер жөніндегі ауданаралық сотының 2024 жылғы 16 қыркүйектегі үкімімен С. Ерғалиев РМҚК басшысы, яғни лауазымды тұлға бола отырып, өзінің лауазымдық теріс пайдалана отырып, 2019 жылғы қарашадан желтоқсанға дейінгі кезеңде өзінің заңсыз лауазымдық өкілеттіктерін қызметке қайшы және басқа тұлғалар үшін пайда мен артықшылықтар алу мақсатында А.-ны сурдлимпиадалық спорт түрлерінен аға жаттықтырушы лауазымына тағайындап, оны ХІХ қысқы Сурдлимпиада ойындарына қатысуға іссапарға жібергені, сондай-ақ 111 млн теңгеден астам сомада ақшалай көтермелеу алуға ықпал еткені үшін кінәлі деп танылған", - делінген хабарламада.

Айыпталушы мен оның адвокаттары бірінші сатыдағы сот актісімен келіспей, шағым түсірген.

Алайда алқа соттың сотталушының кінәсін дәлелдеу туралы тұжырымдарымен келіскен, өйткені оның кінәсі куәгерлердің, соның ішінде шахматшылар мен жаттықтырушылардың айғақтарымен дәлелденген, олар А.-ны білмейтінін, ол оларды жаттықтырмағанын, шахмат ойындарында оны көрмегендерін айтып, растаған.

Тергеу барысында А. ақшалай көтермелеу сомасын қайтарды.

"Залалдың өтелуіне қарамастан, сот үкімімен С.Ерғалиев Қылмыстық кодекстің 361-бабы 4-бөлігінің 3-тармағы бойынша кінәлі деп танылып, мемлекеттік қызметте және квазимемлекеттік сектор субъектілерінде қызмет атқару құқығынан өмір бойына айырыла отырып, 3 жыл 6 айға бас бостандығынан айырылды.

Алқа жасалған сыбайлас жемқорлық ауыр қылмыстың сипаты мен қоғамдық қауіптілік дәрежесін ескере отырып, жазаның түрі мен мөлшерімен келісті.