Антикор Ауыл шаруашылығы министрлігіндегі комитет төрағасына қатысты тергеуді аяқтады

Антикор Ауыл шаруашылығы министрлігінің Агроөнеркәсіптік кешендегі мемлекеттік инспекция комитетінің төрағасына қатысты сотқа дейінгі тергеуді аяқтады. Бұл туралы KAZ.NUR.KZ құзырлы органға сілтеме жасап хабарлайды.

"Ол кәсіпкерлік субъектісінен 4,4 млн теңге көлемінде пара алды деп айыпталып отыр. Яғни шегірткеге қарсы пестицидтерді жеткізу жөніндегі қызметтерді мемлекеттік сатып алу шарты құнының 5 пайызын алған.

Соттың санкциясымен лауазымды тұлға мен кәсіпкер үй қамағына алынды", - делінген хабарламада.

Сыбайлас жемқорлыққа қарсы іс-қимыл агенттігінің мәліметінше 31 қазанында Бас прокуратура айыпталушыларды сотқа берді.

Құзырлы орган өкілдері Қылмыстық-процестік кодекстің 201-бабына сәйкес өзге ақпарат жария етілмейтінін мәлімдеді.

Мәтіннен қате тапсаңыз, бізге жазыңыз