Түркістан облысында ұялы телефон ұрлаған күдіктінің ісі сотқа өтті

Түркістан облысында ұялы телефон ұрлаған күдіктінің ісі сотқа өтті. Бұл туралы KAZ.NUR.KZ өңірлік ПД баспасөз қызметіне сілтеме жасап хабарлайды.

Облыстық ПД мәліметіне сүйенсек, Келес ауданының полиция қызметкерлері дүкенде орын алған ұрлықты ашқан. Күдікті ұрлықты алдын ала жоспарлы түрде ұйымдастырған болып шықты.

Ол телефон сататын дүкенге тұтынушы болып кіріп, қажетті заттарды алмақшы болған. Оңай олжалы болуды көздеген ер адам сатушының басқа іспен айналысып тұрған сәтін пайдаланып, екі бірдей Redmi маркалы ұялы телефонын жымқырып, дүкеннен ізін суытқан. Содан соң ұрланған телефондарды сатып жіберген.

"Тәртіп сақшылары сатылып кеткен ұялы телефондарды анықтап, заңды иесіне тапсырды. Қазіргі таңда күдіктінің ісі сотқа жолданды",- делінген Түркістан облыстық ПД Instagram-дағы парақшасында.

Мәтіннен қате тапсаңыз, бізге жазыңыз