Астанада ер адамның көлігін эвакуатормен ұрлап кеткен

Астана тұрғыны бір ай бұрын көпқабатты үйдің ауласына жұмыс істемейтін көлігін тастап кеткен, алайда оны эвакуатордың көмегімен ұрлап кеткен. Бұл туралы Ішкі істер министрлігінің Polisia.kz порталына сілтеме жасаған KAZ.NUR.KZ хабарлайды.

Ішкі істер министрлігінің мәліметінше, полицияға Honda Accord көлігінің иесінен арыз түскен. Қала тұрғынының айтуынша, ол бір ай бұрын көпқабатты үйдің ауласына істемейтін көлігін тастап кеткен. Үй иесі келтірілген шығынды жарты миллион теңгеге бағалаған.

Кейін полиция 38 жастағы күдіктіні анықтап, ол өз қылмысын мойындады.

"Ол көлікті біраз уақыттан бері бақылап жүргенін және оның иесі жоқ деп ойлағанын айтты. Көлікті үйіне апару үшін эвакуатор шақырып, жүргізушіге оның өзіне тиесілі екенін айтып, сендірген", - деп хабарлады Ішкі істер министрлігі.

Автокөлік иесіне қайтарылды. Осы факті бойынша қылмыстық іс қозғалған.