Алматыда желіде тараған видеодан кейін жол талғамайтын көлік жүргізушісі жазаланды (видео)

Алматыда көгалға шығып, бордюрды бұзған жол талғамайтын көлік жүргізушісі жазаланды. Бұл туралы KAZ.NUR.KZ қалалық полиция департаментіне сілтеме жасап хабарлайды.

Полицейлер өрескел бұзушылық туралы әлеуметтік желі арқылы белгілі болғанын айтты.

Көгалға шығып кеткен "Рендж Ровер" жүргізушісінің әрекеті видео авторын ашуландырған. "Бұл жағдайда азамат мұндай әрекетке бей-жай қарамай, оның әрекетін жария етті. Дұрыс жасады. Нәтижесінде, 29 жастағы құқық бұзушы анықталып, бірден әкімшілік заңнаманың екі тармағы бойынша жауапқа тартылды. Атап айтқанда: көлік құралын көгалға қойғаны үшін (Әкімшілік құқықбұзушылық туралы кодекстің 597-бабы, 2-бөлігі), сондай-ақ жол бөлігін бүлдіргені үшін (Әкімшілік құқыұбұзушылық туралы кодекстің 630-бабы, 1-бөлігі)", - деді Алматы қалалық ПД Жергілікті полиция қызметі басқармасының басшысы, полиция полковнигі Серік Шумаев.

Алматы полициясы қоғамдық қауіпсіздікті қамтамасыз етуге және кез келген заңға қайшы әрекеттрдің жолын кесуге бағытталған "Құқықтық тәртіп" қағидасының жүзеге асырылып жатқанын тағы да еске салды.

Мәтіннен қате тапсаңыз, бізге жазыңыз