Атырау облысында 23 жастағы қыздың денесін іздеу жұмыстары тоқтатылды

Атырау облысында 23 жастағы қыздың денесін іздеу 44 күнге созылып, аяздың күшеюіне байланысты тоқтатылды. Бұл туралы KAZ.NUR.KZ Атырау облысының төтенше жағдайлар департаментіне сілтеме жасап хабарлайды.

Атырау облысында жас қыз 18 қазанда жоғалып кеткен. 23 қазанда таңертең полиция департаменті оның қаза тапқаны және денесінің Орал өзеніне лақтырылғаны туралы хабарлады.

Қылмысқа күдікті ретінде 24 және 25 жастағы екі ер адам ұсталды. Олар кінәсін мойындады. Тергеу "Адам ұрлау" және "Адам өлтіру" баптары бойынша жүргізіліп жатыр.

Қаза тапқан қыздың денесін іздеу жұмыстары 22 қазанда өзен мен жағалау маңында басталды.

"Ақ Жайық" порталының мәліметінше, іздестіру жұмыстарына 20 қызметкер, 5 техника, 7 су кемесі мен ұшқышсыз ұшу аппараты жұмылдырылды. Құтқарушылар Жайық өзенінің түбін 4500 шаршы метр аумақта арнайы құрылғылардың көмегімен зерттеді. Көрсетілген жерден өзен бойындағы 30 шақырымға дейінгі аумақ тексерілді. Қызметтік иттерді пайдаланатын кинологиялық бригада жұмылдырылды.

Жалпы іздеу шарасына полиция департаментінің қызметкерлері, Ұлттық ұлан әскерлері мен еріктілер қатысты. Алайда, 44 күндік іздеу шаралары еш нәтиже бермей, Янаның денесі табылмады. Күн суып, аяз басталуына байланысты іздеу жұмыстары тоқтатылды.

Мәтіннен қате тапсаңыз, бізге жазыңыз