Шымкентте есірткі сатумен айналысқан бес күдікті ұсталды (видео)

Шымкентте полиция жедел іс-шаралар жүргізу барысында есірткі заттарын өткізумен айналысатын бес ер адамды ұстады. Бұл туралы Polisia.kz Telegram-дағы арнасында хабарлайды.

Басылым мәліметіне сүйенсек, күдіктілердің бірінің үйінде арнайы желдету жүйесімен, жарықдиодты шамдармен, ылғалдылықты өлшеу құралдарымен, желдеткіштермен, термометрлермен және автоматты суару жүйесімен жабдықталған қарасора өсіру бөлмесі анықталған.

Фитолаборатория жойылып, өсірілген 46 қарасора бұтасы мен құрал-жабдықтар тәркіленді. Күдіктілерден 17 доза "синтетика" және 30 грамнан астам кептірілген марихуана табылды.

Қазір іс бойынша қылмыстық іс тіркеліп, тергеу жүргізілуде. Күдіктілер қамауға алынды.