Шымкентте құқықбұзушылықтың алдын алу бойынша қорытынды кездесу өтті

Шымкентте Жастар ресурстық орталығының ұйымдастыруымен "Тәртіпті өзіңнен баста" атты құқықбұзушылықтың алдын алу шаралары бойынша жылдық қорытынды кездесу өтті. Бұл туралы KAZ.NUR.KZ қалалық ПД баспасөз қызметіне сілтеме жасап хабарлайды.

Кездесудің мақсаты – қаланың белсенді жастарын ақпараттандыру арқылы жастарға құқықбұзушылықтың алдын алуды насихаттау.

Жиынға Шымкент қаласының прокурорының аға көмекшісі Қайсар Тилеубердиевич Қалдыбаев, ПД Есірткі қылмысына қарсы іс-қимыл басқармасының өкілі Бауыржан Қанатұлы Карбеков, Жол-көлік колледжінің директоры Берік Рахманбердіұлы Ешимов, "Ізгілікте жарысайық" қоғамдық қорының волонтерлер мектебінің жетекшісі Рақатбек Нуржанұлы Карсанбек, Жастар ресурстық орталығының басшы орынбасары Аружан Русланқызы Әлжан, сондай-ақ қаланың ерікті және белсенді жастары қатысты.

Шара барысында спикерлер жыл бойы атқарылған жұмыстар туралы баяндап, өз тәжірибелерін бөлісті. Сонымен қатар Жастар ресурстық орталығының Әл-Фараби ауданы бойынша жастармен жұмыс бөлімінің басшысы Қайыржан Қайратұлы Бөгенбай құқықбұзушылықтың алдын алу бойынша орталықтың жұмыстары туралы баяндама жасап, арнайы бейнеролик көрсетілді.

Кездесу ойын түріндегі ерекше сұрақ-жауаптармен аяқталды.