Шымкентте балабақша құрылтайшыларына қатысты сот үкімі шықты

Шымкент қаласы Әл-Фараби ауданының прокуратурасы мектепке дейінгі ұйымдарда балалардың тіркелгенi туралы жалған мәліметтер енгізілгенін анықтады. Бұл туралы қалалық прокуратураның ресми сайты хабарлайды.

Шымкент прокуратурасының мәліметінше, талдау барысында мемлекет бюджетінен бөлінген 8 млн теңгеден астам сома қаражатын заңсыз пайдалану фактілері анықталған.

Атап айтқанда, "Т" және "Б" жекеменшік мекемелер Білім басқармасына балабақшаға бармаған балалардың білім алып жатқаны туралы жалған мәліметтер ұсынып, мемлекет қаражатын өз бетінше пайдаланған.

Шымкент қаласының қылмыстық істер бойынша ауданаралық сотының үкімімен балабақша құрылтайшылары алаяқтық жасағаны үшін әртүрлі жазаға тартылып, мемлекетке келтірілген залалды толығымен қайтарды.

Мәтіннен қате тапсаңыз, бізге жазыңыз