Шымкентте кәсіпкерлік қызметке заңсыз араласқандар анықталды
Жарияланған күні:
Шымкентте кәсіпкерлік қызметке заңсыз араласқандар анықталды. Бұл туралы Otyrar.kz хабарлайды.
Шымкент қаласы Әл-Фараби аудандық прокуратурасы талдау барысында кәсіпкерлік қызметке заңсыз араласу фактісін анықтады. Қадағалау актілері бойынша салық органының кәсіпкердің банктік шоттары бойынша шығыс операцияларын тоқтата тұру туралы өкімнің күші жойылды.
Салық органының қызметкері ӘҚБтК-нің 173-бабы (лауазымды адамдардың кәсіпкерлік қызметке заңсыз араласуы) бойынша әкімшілік жауапкершілікке тартылып, қысқартылған тәртіппен 184 600 теңге көлемінде айыппұл салынды.
Инкассалық өкім жойылып, кәсіпкердің құқығы қалпына келтірілді. Оған 7,3 млн теңге қайтарылды.
Мақаланың түпнұсқасы: https://kaz.nur.kz/accidents/crime/2202878-shymkentte-kasipkerlik-qyzmetke-zangsyz-aralasqandar-anyqtaldy/
