Алматыда атыс болып, бір адам жараланды

Алматыда болған атыс болғаны туралы редакцияға хабарлаған NUR.KZ оқырманы бір адамның жараланғанын жеткізді. Ал қалалық полиция департаменті бұл ақпаратқа қатысты түсініктеме берді.

"Аталған факт бойынша Наурызбай аудандық полиция бөлімі қылмыстық іс қозғады.

Аталған қылмысты ашуға бағытталған жедел-іздестіру шаралары кешені жүргізіліп жатыр", - деді Алматы полиция департаментінің баспасөз қызметі NUR.KZ сауалына берген жауабында.

Ведомство өкілдері басқа ақпарат жарияланбайтынын атап өтті.

Айта кетейік, Алматы облысында Іле өзені маңында аңшы мылтығынан оқ ату салдарынан үш ер адам зардап шекті. Адам өлтіруге оқталған күдікті ұсталған болатын. Сонымен қатар қыркүйек айында желіде Маңғыстау облысында төбелеске қатысушылар аңшы мылтығымен атысқаны туралы ақпарат пайда болып, оқиғаға облыстық полиция департаменті өкілдері пікір білдірген болатын.

Мәтіннен қате тапсаңыз, бізге жазыңыз