Шымкентте салық қызметкеріне айыппұл салынды
Жарияланған күні:
Шымкент қаласы Әл-Фараби ауданының прокуратурасы талдау барысында кәсіпкерлік қызметке заңсыз араласу фактісін анықтады. Бұл туралы Otyrar.kz хабарлайды.
Басылым мәліметіне сүйенсек, қадағалау актісі бойынша салық органының кәсіпкерлік субъектісінің банктік шоттары бойынша шығыс операцияларын тоқтата тұру туралы өкімінің күшін жойған.
Салық органының қызметкері ӘҚБтК-нің 173-бабы (Лауазымды адамдардың кәсiпкерлiк қызметке заңсыз араласуы) бойынша әкімшілік жауапқа тартылып, оған қысқартылған тәртіппен 184 600 теңге айыппұл салынды.
Инкассалық өкімнің күші жойылып, кәсіпкердің құқығы қалпына келтірілді. Оған 7,3 млн теңге қайтарылды. Аталған бағытта жұмыстар жалғасуда.
Мақаланың түпнұсқасы: https://kaz.nur.kz/accidents/crime/2203770-shymkentte-salyq-qyzmetkerine-aiyppul-salyndy/
