ІІМ өкілдері 2024 жылы іздеуде жүрген қанша күдікті ұсталғанын айтты

2024 жылы Ішкі істер министрлігі қызметкерлері іздеуде жүрген 1949 күдіктіні ұстаған. Бұл жөнінде ведомствоға сілтеме жасаған KAZ.NUR.KZ хабарлайды.

Ішкі істер министрлігінің ақпараттық медиа-порталында жарияланған ақпаратқа сәйкес, 2024 жылы Қазақстанның құқық қорғау органдарының іздестіруіндегі 1949 күдіктіні ұсталған.

Олардың ішінде:

• адам өлтіру бойынша – 43;
• қарақшылық шабуыл бойынша – 22;
• денсаулыққа ауыр зиян келтіру бойынша – 37;
• зорлау бойынша – 6;
• тонау бойынша – 68;
• бопсалау бойынша – 21;
• ұрлық бойынша – 484;
• есірткі қылмысы бойынша – 91.

ТМД елдері мен алыс шет мемлекеттер үшін 844 қылмыскер ұсталды. Одан бөлек, хабар-ошарсыз кеткен 1361 адамның мекенжайы анықталды.

"Бұл бағыттағы жұмыс жалғасады", - деп атап өтті ведомство өкілдері.

Қазақстан ұлттық қауіпсіздік комитетінің мәліметінше, 2024 жылы шекараны бұзғаны үшін 324 шетел азаматы ұсталған.

Сондай-ақ Қазақстанда көршілес елдерде іздеуде жүрген бірнеше шетелдік күдікті құрықталды.