Қытайдан келген тауарды ұрлаумен айналысты деген күдікпен қойма қызметкерлері тергелді

Қойма қызметкерлері тобы Қытайдан келген тауарды ұрлаумен айналысқан деген күдікке ілінді. Тергеу аяқталып, іс сотқа жолданды. Бұл туралы KAZ.NUR.KZ Бас көлік прокуратурасының ресми сайтына сілтеме жасап хабарлайды.

Ведомство мәліметінше, Алматы-1 станциясындағы желілік полиция басқармасы 2023 жылдан 2024 жылға дейін Қытайдан келген тауарларды ұрлаумен айналысқан уақытша сақтау қоймасы қызметкерлерінің тобына қатысты сотқа дейінгі тергеуді аяқтады.

"Күдіктілер контейнерлердің ішіндегі тауарлар туралы ақпаратқа қол жеткізіп, ұрланған тауарларды жергілікті базарларда сатқан. Келтірілген шығын 200 млн теңгеден асып, отандық және шетелдік компанияларға зардабы тиген", - делінген хабарламада.

Жетісу көлік прокуратурасы істі сотқа жолдады.

Мәтіннен қате тапсаңыз, бізге жазыңыз