Саран қаласында дүкенге жасалған шабуылдан 27 жастағы тұрғын қаза болды

Әлеуметтік желілерде Саран қаласында қарақшының қолынан дүкен сатушысының қаза болғаны айтылған ақпарат тарап жатыр. Бұл ақпаратты Қарағанды облыстық полиция департаментінің баспасөз қызметі растады, деп хабарлайды KAZ.NUR.KZ.

Оқиға орнынан видео Telegram-дағы Halyqstan арнасында жарияланды.

"Пышақ ұстаған қарақшы дүкен сатушысына шабуыл жасаған. 27 жастағы әйел қаза болды", - делінген видео сипаттамасында.

Қарағанды облыстық ПД өкілдері бұл жайтқа қатысты пікір білдірді.

"Саран қаласында зорлықпен өлтірілген 27 жастағы тұрғынның денесінің табылуына байланысты қылмыстық іс қозғалды. Күдіктіні анықтау және ұстау үшін облыстың ішкі істер органдарының барлық жеке құрамына бағыт-бағдар берілді.

Полиция департаменті қызметкерлерінің арасынан жедел-тергеу тобы құрылды. Жедел іздестіру шаралары жүріп жатыр. Оқиғаның мән-жайы анықталуда", - делінген өңірлік полиция хабарламасында.

Естеріңізге сала кетсек, бұған дейін Қостанайда үш ер адам дәрігерге қарақшылық шабуыл жасады деген күдікпен ұсталғанын жазған едік. Сондай-ақ Алматыда ерлі-зайыптыға шабуыл жасады деген күдікпен 38 жастағы азамат ұсталған болатын.

Мәтіннен қате тапсаңыз, бізге жазыңыз