Тұрмыстық зорлық-зомбылық жиі тіркелген аймақтар тізімінде Алматы көш бастады

Орталық коммуникациялар қызметінде өткен брифингте Ішкі істер министрлігінің өкілі бір жылда тұрмыстық зорлық-зомбылық мәселесі бойынша шағым көп түскен Қазақста өңірлерін атады, деп хабарлайды KAZ.NUR.KZ.

"2024 жылы Алматы қаласы, Қостанай облысы, Павлодар облысы, Астана қаласы және Жамбыл облысынан көп өтініш тіркелді", - деді ІІМ Әкімшілік полиция комитеті төрағасының орынбасары Ренат Зұлхайыров.

Оның айтуынша, 2025 жылдың басында да өңірлер бойынша дәл осы "рейтинг" сақталып отыр.

Еске салайық, биыл сәуірде Тоқаев тұрмыстық зорлық-зомбылық үшін жазаны қатаңдататын заңға қол қойған болатын.

Полиция зорлық-зомбылық фактісін тіркеудің анықтау сипатына көшті, яғни, агрессорды жәбірленушінің арызынсыз-ақ жауапқа тарту мүмкіндігі пайда болды.