Жамбыл облысында тұрғын үй қоймасынан тойбастар мен қазы ұрлады деген күдікті ұсталды

Меркі ауданында полиция қызметкерлері тұрғын үйлерге ұрлыққа түсті деп күдікке ілінген тұлғаны анықтады, деп хабарлайды KAZ.NUR.KZ Жамбыл облысы полиция департаментіне сілтеме жасап.

Облыстық полиция департаментінің баспасөз қызметінің хабарлауынша, ер адам тұрғын үйлерге заңсыз кіріп, алтын бұйымдар, ноутбук және басқа да құнды заттарды ұрлады деген күдікке ілінген.

"Сондай-ақ басқа тұрғын үйдің қоймасынан азық-түлік (жылқы қазысы), тойбастар сыйлықтарын және өзге де заттарды ұрлап кеткен. Полиция қызметкерлері жүргізілген жедел іздестіру шаралары барысында бұрын сотталған 39 жастағы ер адам ұсталды.

Күдікті Қылмыстық кодекстің тұрғын-жайға заңсыз кірумен жасалған ұрлық бабымен сотқа дейінгі тергеу басталды", - делінген хабарламада.

Күдікті уақытша ұстау изоляторына қамауға алынды. Қазіргі таңда тергеу амалдары жүргізіліп жатыр.

Мәтіннен қате тапсаңыз, бізге жазыңыз