Атырауда 22 жастағы бойжеткенді көлікке күштеп мінгізген жігіт қамауға алынды
Опубликовано:
Атырауда бойжеткенді көлікке күштеп мінгізген 22 жастағы жігіт ұсталып, қамауға алынды, деп хабарлайды KAZ.NUR.KZ.
Бұл туралы Atyrau online Telegram арнаcында видео тарады. Кейін аталған деректі Атырау облыстық полиция департаментінің баспасөз қызметі растады.
"Әлеуметтік желіде таралған видеоға байланысты автокөлікке әйелді күштеп мінгізген 22 жастағы ер адам анықталып, ұсталды. Автокөлігі арнаулы тұраққа қойылды. Күдіктіге ұсақ бұзақылық бабымен хаттама толтырылып, қамауға алынды. Жинақталған іс-құжаттар сотқа жолданады", -деп хабарлады департаменттің баспасөз қызметі.
Алайда аталған дерекке байланысты полицияға 22 жастағы бойжеткеннен шағым түспеген.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2221854-atyrauda-22-zhastagy-boizhetkendi-kolikke-kushtep-mingizgen-zhigit-qamauga-alyndy/