Кісі зорлады деген күдікпен отандық блогер ұсталды

Арқалықта 35 жастағы ер адам кісі зорлады және сексуалдық сипаттағы әрекеттер жасады деген күдікпен ұсталды, деп хабарлайды Қостанай облысты ПД-ға сілтеме жасаған KAZ.NUR.KZ.

Өңірлік полицияның баспасөз қызметінің хабарлауынша, Арқалықта кісі зорлады деген күдікпен блогер ұсталған.

"Жедел-іздестіру шаралары барысында полиция кісі зорлау және сексуалдық сипаттағы әрекеттер жасады деген күдікпен 35 жастағы ер адамды ұстады. Қостанай облысы полиция департаменті зардап шеккендер арасында кәмелетке толмағандар жоқ екенін хабарлады.

Алдын ала дерек бойынша кей зардап шегушіге ер адам қарызға ақша беріп, қарызын қайтара алмағандардан интимді қатынас талап еткен. Зардап шеккендер бас тартқан жағдайда, ер адам олардың еркінен тыс жыныстық қатынасқа түскен", - делінген хабарламада.

Сот санкциясымен күдікті қамауға алынған. Қазіргі таңда тергеу әрекеттері жалғасыып жатыыр, қажетті сараптамалар тағайындалды.

Бірнеше рет жасалған әрекеттері үшін ер адам 9-дан 12 жылға дейінгі мерзімге қамалуы мүмкін. Қосымша ақпарат тергеу мүддесіне сай жарияланбайды.

Мәтіннен қате тапсаңыз, бізге жазыңыз