Қазақстанда пойызда босанған әйел сәбиін терезеден лақтырып жіберген: тергеп-тексеру жүргізіліп жатыр

Қазақстанда жүкті әйел пойызда босанып, шақалақты пойыз терезесінен сыртқа лақтырып жіберген. Оқиғаға қатысты тергеп-тексеру жұмыстары жүргізіле бастады, деп хабарлайды KAZ.NUR.KZ тілшісі.

Ішкі істер министрлігі Көліктегі полиция департаментінің баспасөз хатшысы бұл жайтқа қатысты портал тілшісіне түсінік берді.

"Аталған факті бойынша тергеп-тексеру жүргізіліп жатыр. Соның аясында тиісті процессуалдық шешім қабылданады. Оқиғаның мән-жайы анықталып жатыр", - делінген Көліктегі полиция департаментінің баспасөзге берген хабарламасында.

Бұған дейін желіде аталған оқиға 20 сәуірде "Қызылорда - Астана" бағытындағы пойызда болғаны туралы ақпарат шықты. Нәрестенің денесі табылып, одан тіршілік белгісі жоқ екені анықталған.

Мәтіннен қате тапсаңыз, бізге жазыңыз