Алматыда заңсыз салынған дәмхана сүрілді
Жарияланған күні:
Алматыда Мақатаев көшесінде орналасқан заңсыз салынған дәмхана сүрілді, деп хабарлайды Қала құрылысын бақылау басқармасына сілтеме жасаған KAZ.NUR.KZ.
Қалалық басқарманың мәліметінше, жоспардан тыс тексеріс барысында меншік иесінің (жеке тұлға) нысанды жобалау-сметалық құжаттамасыз, авторлық және техникалық қадағалауларсыз салғаны белгілі болған.
"Меншік иесіне нысанды бұзу жөнінде нұсқама берілді әрі әкімшілік шаралар қабылданды. Биыл 29 қыркүйекте меншік иесі басқарма ұйғарымының талаптарын орындау үшін заңсыз құрылысты сүрді", - делінген хабарламада.
Айта кетелік, бұған дейін Жұмабаев көшесінде орналасқан кафеге жапсарлас салынған қосалқы нысан бұзылған еді. Тексеру барысында оның да заңсыз салғаны анықталған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2293407-almatyda-zangsyz-salyngan-damhana-surildi/