Бас прокурордың орынбасары іздеуде жүрген Арғын Нығматулиннің ісіне қатысты түсінік берді
Опубликовано:
Читать на русском
Мәжіліс кулуарында бас прокурордың орынбасары Ғалымжан Қойгелдиев мәжілістің экс-төрағасы Нұрлан Нығматулиннің ағасына қатысты іс бойынша соңғы деректерді жариялады, деп хабарлайды KAZ.NUR.KZ тілшісі.
"Арғын Нығматулинге қатысты Қарағанды облысының хоккей клубына бөлінген қаражатты жымқыру бойынша қылмыстық іс қозғалды. Ол іздеуде. Біз айналысып жатырмыз (осы іспен – автордың ескертпесі)", - деді бас прокурордың орынбасары Ғалымжан Қойгелдиев.
Айта кетелік, бұған дейін Нұрлан Нығматулиннің бауыры Арғын Нығматулинге іздеу жарияланы хабарланған. Ақпарат бас прокуратураның құқықтық статистика және арнайы есепке алу органдарының порталында жарияланған.
Бас прокуратура өкілдері мәжілістің экс-спикері Нұрлан Нығматулиннің бауыры Арғын Нығматулинге не үшін іздеу жариялағанын түсіндірген.
Сотқа дейінгі тергеу аясында Арғын Нығматулин күдікті деп танылып, оған қатысты сот санкциясы арқылы қамауға алу түріндегі шара таңдалды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2342286-bas-prokurordyng-orynbasary-izdeude-zhurgen-argyn-nygmatulinning-isine-qatysty-tusinik-berdi/