Түркістан облысындағы 17 жастағы жасөспірім өлімі: барлық күдікті ұсталған
Жарияланған күні:
Түлкібас ауданында 17 жастағы жасөспірімді өлтіру фактісі бойынша тергеу аяқталуға жақын. Бұрын іздеуде жүрген екінші күдікті ұсталған, деп хабарлайды Kazinform агенттігіне сілтеме жасаған KAZ.NUR.KZ.
Агенттіктің мәліметінше, Түркістан облыстық полиция департаменті осы іс бойынша барлық күдікті анықталып, тергеу жүргізіліп жатқанын хабарлаған.
"Күдіктілер ұсталды, қажетті тергеу әрекеттері жүргізіліп жатыр. Қылмыстық іс келесі айда сотқа жолданады деп жоспарланып отыр", - деп мәлімдеген ведомствоның баспасөз қызметі.
Сонымен қатар полиция қару қолдану мән-жайы мен шабуыл себептері туралы ресми түсініктеме тергеу толық аяқталғаннан кейін берілетінін нақтылаған.
Естеріңізге сала кетейік, былтыр 2 қарашада түнгі уақытта Түлкібас ауданында атыс қаруын қолдану дерегі тіркелген еді.
Салдарынан бір адам қайтыс болып, үш адам медициналық мекемеге жеткізілді.
Сол кезде полиция күдіктілердің жеке басы анықталып, олардың бірі ұсталып, қамауға алынғанын мәлімдеген болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2368512-turkistan-oblysyndagy-17-zhastagy-zhasospirim-olimi-barlyq-kudikti-ustalgan/