Павлодарда балаларға жүйелі түрде зорлық-зомбылық көрсеткен балабақша қызметкері сотталды

Павлодарда балабақша тәрбиешісіне қатысты сот үкім шықты. Ол 2-2,5 жасар 16 баланы азаптағаны үшін кінәлі деп танылған. Бұл туралы Павлодар облысының прокуратурасына сілтеме жасаған KAZ.NUR.KZ хабарлайды.

Ведомствоның мәліметінше, айыптау тарапы сотталушының балаларға жүйелі түрде зорлық-зомбылық көрсеткенін – оларды ұрып-соғып, шаштарынан тартып, лақтырып, дене және психикалық зардап келтіргенін анықтаған.

"Тәрбиешінің кінәсі мемлекеттік айыптауды қолдаған прокурордың белсенді ұстанымының арқасында дәлелденді, ол даусыз дәлелдер ұсынып, ауырлататын мән-жайлармен неғұрлым ауыр айып тақты", - делінген хабарламада.

17 сәуірде сот үкімімен балабақша қызметкері 4 жыл 6 ай мерзімге бас бостандығынан айырылған. Сотталушы жазасын кейін өтейді.

Сондай-ақ оған 3 жыл мерзімге педагогикалық қызметпен айналысу тыйым салынған.

Үкім заңды күшіне енген жоқ.

Мәтіннен қате тапсаңыз, бізге жазыңыз