"Салтанат Нүкенованың қазасы": Бақытжан Байжановқа қатысты үкім өзгеріссіз қалды

Марқұм болған жеңгесі Салтанат Нүкенованың "өлімін жасырып қалды" деген айыппен сотталған Бақытжан Байжановқа қатысты үкім өзгеріссіз қалды, деп хабарлайды "КТК" арнасы.

Қуандық Бишімбаевтың бауыры қанша тырысқанымен, істі қараған кассациялық сот Байжанов келтірген уәжбен келіскен жоқ.

Сот отырысына Салтанат Нүкенованың ағасы Айтбек Амангелді, сотталған Байжановтың әйелі мен анасы, адвокаттары түгел келген. Байжановтың әйелі өз кезегінде отағасы тар қапаста отырғандықтан, күнделікті тұрмыс-тіршілікте қиналып жүргенін айтып, сезімге ерік берді. Анасы судьяның ескертуін тыңдамай, ақыры сот залынан шығарылды.

Әуел баста Бишімбаевтың туысы 4 жыл жаза арқалаған болатын. Одан кейін Конституциясының 30 жылдығына байланысты рақымшылыққа ілігіп, жазасы қысқарыпты. Енді ол абақтыдан шамамаен жыл аяғында босап шығады.

Дереккөз: "КТК" арнасы

Мәтіннен қате тапсаңыз, бізге жазыңыз