Алматыда массаж салонында интимдік қызмет көрсетті деген жеті әйел полиция бөлімшесіне жеткізілді
Жарияланған күні:
Алматының Бостандық ауданында полиция қызметкерлері боди-массаж қызметін көрсету орталығы ретінде жасырын жұмыс істеген заңсыз мекеменің қызметін тоқтатты. Жеті әйел полиция бөлімшесіне жеткізілді, деп хабарлайды KAZ.NUR.KZ қалалық полиция департаментіне сілтеме жасап.
Полиция департаментінің хабарлауынша, учаскелік полиция инспекторлары қаланың беделді аудандарының бірінде тексеру жұмыстарын жүргізген. Тексеріс барысында жеке тұрғын үйде сауықтыру қызметтерін көрсетеді деген желеумен интимдік сипаттағы қызметтердің көрсетілгені анықталды.
Нәтижесінде жеті әйел полиция бөлімшесіне жеткізілді. Қазіргі уақытта олардың жеке басын анықтау жұмыстары жүргізілуде.
Аталған дерек бойынша жан-жақты тексеру шаралары қолға алынды. Сондай-ақ мекеме әкімшілігіне қатысты заңнамаға сәйкес тиісті шаралар қабылданды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2385405-almatyda-massazh-salonynda-intimdik-qyzmet-korsetti-degen-zheti-aiel-politsiia-bolimshesine-zhetkizildi/