Атырауда әйелін өлтірген зейнеткер 15 жылға сотталды

Атырауда өз жарын пышақтап өлтірген зейнеткерге сот үкімі шықты. 63 жастағы тұрғын 58 жастағы әйелін өлтіргені үшін 15 жылға бас бостандығынан айырылды, деп хабарлайды КТК телеарнасы.

Ал пайғамбар жасындағы еркектің қанды қылмысқа баруына ішімдік пен қызғаныш себеп болған. Отбасында кезекті жанжалдан кейін әйелі қызының бөлмесіне барып жатып қалады. Бірақ араққа сылқия тойған күйеуі түнгі екіде қолына пышақ алып, әйелін тарпа бас салған.

12 жастағы қызының көзінше 11 мәрте пышақ ұрып, қызының тоқтатқанына қарамаған. Мектепте бастауыш пәнінің мұғалімі болып істейтін әйел жарақаттан сол жерде жан тапсырды.

Сотта кінәсін толық мойындаған егде жастағы еркек енді 15 жылын түрмеде өткізеді.

Мәтіннен қате тапсаңыз, бізге жазыңыз