Астанада мешітте намаздан кейін ұйықтап жатқан адамның телефонын біреу ұрлап кетті: оқиға видеоға түсіп қалды

Астанада мешітте ұйықтап қалған адамның телефонын әлдекім ұрлап кеткен. Полицейлер ұялы телефон ұрлығын жедел ашты, деп хабарлайды KAZ.NUR.KZ қалалық полиция департаментіне сілтеме жасап.

Полиция мәліметінше, таңертең ерте ер адам таң намазына келген. Намазын оқып болған соң, демалуды ұйғарып, ұялы телефонын қасына қойып, қуаттауға қосқан. Осы сәтті басқа бір келуші пайдаланған. Ол ешкімнің өз әрекетін байқамайтынына көз жеткізіп, қараусыз қалған телефонды ұрлап, ол жерден кетіп қалған.

Жедел-іздестіру іс-шаралары нәтижесінде полиция қызметкерлері сол күні бейнебақылау камераларының жазбалары арқылы күдіктіні анықтап, оны ұстады.

"Ол 25 жастағы ер адам болып шықты. Ұрланған телефон тәркіленіп, заңды иесіне қайтарылды", - делінген хабарламада.

Аталған факті бойынша қылмыстық іс қозғалып, сотқа дейінгі тергеу жүргізілуде. Полиция азаматтарды өз мүлкінің сақталуына мұқият болуға және қоғамдық орындарда бағалы заттарын қараусыз қалдырмауға шақырады.

Посмотреть эту публикацию в Instagram

Публикация от Астана қаласының Полиция департаменті (@police__astana)

Мәтіннен қате тапсаңыз, бізге жазыңыз