Алматыда Көктөбедегі өрт сөндірілді (видео)

Алматының Медеу ауданындағы өрт сөндірілді. Қалалық ТЖ департаментінің хабарлауынша, өрт 20:22-де ауыздықталып, 20:35-те сөндірілді. Құрбандар мен зардап шеккендер жоқ, деп хабарлайды KAZ.NUR.KZ қалалық ТЖД баспасөз қызметіне сілтеме жасап.

"6 қыркүйек күні сағат 18: 58-де Алматы қалалық ТЖД табиғи өрттерге ден қою жөніндегі жасағы Медеу ауданы Жәнібеков көшесі, 78 үй маңындағы мекенжайға жоғары дәрежедегі шақырту бойынша жіберілді.

Келген бойда алдын ала 3 гектар алаңда тау баурайының учаскелері жанғаны анықталды, дереу қаланың өзара іс-қимыл қызметтерінің күштері мен құралдары ұлғайтылды. Өртті сөндіру жұмыстарын қиын жер бедері, желдің күшеюі және тәуліктің қараңғы мезгілі қиындатты", - деп хабарлады ТЖД.

Қабылданған жедел шаралардың көмегімен өрт 20:22-де толық оқшауланды. Сағат 20: 35-те сөндірілді. Қаза болғандар мен зардап шеккендер жоқ. Оқиға орнына 19 бірлік өрт сөндіру техникасы мен суару-жуу құралдары, жеке құрамнан 130 адам жұмылдырылды.

"Өрт сөндіру бөлімшелерінің жедел әрекеттерінің арқасында өрттің "Көк-Төбе" саябағына және қарау алаңына таралуына жол берілген жоқ", - деп толықтырды ТЖД.

Көктөбедегі өртті сөндіруге Алматы полициясының жеке құрамы да қатысқан. ІІМ-нің ресми Telegram арнасы хабарлағандай, қураған өртті сөндіру орнында құқықтық тәртіпті қамтамасыз етуге патрульдік полиция, учаскелік полиция инспекторлары, арнайы жасақ жауынгерлері жұмылдырылды.

Мәтіннен қате тапсаңыз, бізге жазыңыз