Алматыда барахолка жанындағы базарлардың бірінде өрт шықты (фото)

Алматыдағы барахолка жанындағы "Сәлем" базарының аумағында өрт шықты. Төтенше жағдайлар департаменті оқиғаның мән-жайын айтты, деп хабарлайды KAZ.NUR.KZ ведомствоның баспасөз қызметіне сілтеме жасап.

Төтенше жағдайлар департаментінің хабарлауынша, 6 ақпан күні сағат 21:09-да Алматы қаласы Төтенше жағдайлар департаментінің күштері мен құралдары Жетісу ауданындағы Бөкейханов көшесіне жоғарылатылған ранг бойынша жіберілді.

Өрт сөндірушілер "Сәлем" базарының аумағында шамамен 120 шаршы метр аумақта екі қабатты контейнерлер өртеніп жатқанын анықтады.

Өрт сөндіру қызметінің қызметкерлері көршілес контейнерлерді сөндіруге және қорғауға өрт оқпандарын енгізді.

ТЖД мәліметтері бойынша, сағат 21:42-де өрт оқшауланып, сағат 21:52-де толық жойылған.

Құрбандар мен зардап шеккендер жоқ.

Мәтіннен қате тапсаңыз, бізге жазыңыз