Қазақстан мен Ресей шекарасында жер сілкінді

Қазақстанның Ресеймен шекарасында 4,2 балдық жер сілкінісі болды. Бұл туралы Қазақстан ұлттық деректер орталығы ресми сайтында хабарлады.

Мамандардың мәліметінше, 2023 жылғы 10 ақпанда сағат 18:35-те (Астана уақыты бойынша) Өскеменнен оңтүстік-шығысқа қарай 208 шақырым жерде жер сілкінісі болды. Магнитудасы – 4,2. Жер асты дүмпуі 21 шақырым тереңдікте болған.

Еске салсақ, бұған дейін 6 ақпан күні Шымкентте күші 2-3 балл болатын жер сілкінісі тіркелген болатын. Ал 7 ақпан күні таңертең Алматыдан 375 шақырым жерде жер сілкінді.

Айта кетейік, 6 ақпан күні Түркияның бірнеше өңірінде магнитудасы 7,7 және 7,6 болатын жойқын жер сілкінісі болды. Салдарынан қаза тапқандар саны 18 342-ге жетіп отыр.

Мәтіннен қате тапсаңыз, бізге жазыңыз