Астанадағы көпқабатты үйлердің бірінде пәтер өртенді (видео)

Елордадағы көпқабатты үйлердің бірінде өрт шықты. Әлеуметтік желіде оқиғаның видеосы тарады. Пәтерде тұрмыстық заттар мен жиһаздар өртенген, деп хабарлайды Астана қаласы Төтенше жағдайлар департаментінің баспасөз қызметіне сілтеме жасаған KAZ.NUR.KZ.

Instagram желісіндегі Astanovka98 парақшасында көпқабатты үйдің балкондарының бірінен түтін шығып жатқан видео жарияланды. Кадрлардан өрттің көпқабатты тұрғын үйдің жоғары қабатындағы пәтерлердің бірінен шыққанын көруге болады.

Жазба авторларының айтуынша, өрт Кенесары көшесі, 70-үйдегі "Қыпшақ" тұрғын үй кешенінің балконынан басталған.

Астана қаласы Төтенше жағдайлар департаментінің мәліметінше, өрт балкон мен асханаға жайылған.

"6 шаршы метр аумақта тұрмыстық заттар, жиһаздар, терезе ойықтары өртенді", - деді ТЖД өкілдері.

Сонымен қатар ведомство құрбандар мен зардап шеккендер жоқ екенін, өрттің сөндірілгенін хабарлады.

Мәтіннен қате тапсаңыз, бізге жазыңыз