Екібастұзда көшені ыстық су басты (видео)

Әлеуметтік желіде Екібастұз көшесінің бірін ыстық су басқаны туралы ақпарат пайда болды. Жергілікті тұрғындар буы бұрқырап ағып жатқан суды видеоға түсірген. Қаладағы жауапты мекеме өкілі пікір білдірді, деп хабарлайды KAZ.NUR.KZ тілшісі.

Желіде тараған видеода тұрғындар Екібастұзда қайтадан техногенді апат болып жатқаны туралы жазады.

"Ыстық судың қайда кетіп жатқаны енді түсінікті болды", "Екібастұздағы ыстық су көздері. Шипажай аймағы", -  деп жазады олар. 

"Павлодарэнерго" компаниясының өкілі Екатерина Байжұманованың тілшілерге берген мәліметінше, 18 мамыр күні сағат 06.30-да Мәшһүр Жүсіп көшесі бойындағы диаметрі 820 мм № 2 жылу магистралінің жөндеу жүріп жатқан учаскесіндегі бекіткіште ақау анықталған. 

"Қазіргі таңда учаске өшірілген. Ақауды жою бойынша жұмыстар жүргізілуде. "Екібастұзжылуэнерго" ЖШС жұмысшылары жұмыс істеуде",  – дейді жауапты мекеме өкілі. 

Мердігерлік ұйым бүгін сағат 14.00-ге дейін жағдайы реттеуді жоспарлап отыр. 

Мәтіннен қате тапсаңыз, бізге жазыңыз