Қала орталығындағы өрт алматылықтарды шошытты (видео)

Бүгін Алматыда жалпы алаңы 50 шаршы метрді құрайтын екі гараж өртенді, деп хабарлайды KAZ.NUR.KZ қалалық Төтенше жағдайлар департаментінің баспасөз қызметіне сілтеме жасап.

Ведомствоның мәліметінше, өрт Бостандық ауданындағы Радостовец көшесі, 409-үйдің жанында болған.

"Жалпы алаңы 50 шаршы метр ашық жалынмен екі гараж өртенді, сағат 18:22-де өрт ауыздықталып, сағат 18:27-де толықтай сөндірілді", – делінген хабарламада.

Оңтүстік астананың Төтенше жағдайлар департаментінің мәліметінше, оқиға салдарынан ешкім зардап шеккен жоқ.

Өртті сөндіруге Төтенше жағдайлар департаментінің жеке құрамының 28 қызметкері, сондай-ақ бес техника жұмылдырылған.