Астана маңындағы 80 гектар аймақта өрт оқшауланды

Астана маңындағы өрт оқшауланды. Бұл туралы Төтенше жағдай министрлігінің ресми Telegram арнасы хабарлады.

"21-09-да өрт оқшауланды, өрттің жалпы ауданы 80 га құрады. Зардап шеккендер жоқ, өртті сөндіру жалғастырылып жатыр.

21-25-ке дейінгі уақыт бойынша Қорғаныс министрлігінің су төгетін құрылғылары бар тікұшақтарымен 40-тан астам рет жалпы көлемі 150 тоннаға жуық су төгілді", - делінген хабарламада.

Айта кетелік, Нұра ауданында шамамее 50 га алаңда қамыс пен құрғақ шөп өртенгені туралы хабарлаған едік.

Кейін Төтенше жағдайлар министрі өрт аумағына қосымша екі облыстан көмек сұратты.