Жетісу облысында құтқарушылар жарақат алған балықшыға көмектесті

Жетісу облысының Ырғайты өзенінің жағасында ер адам жартастан құлап, арқасынан түрлі жарақаттар алған. Өздігінен жартастан шыға алмаған балықшыға төтенше жағдайлар департаментінің құтқарушылары көмек көрсетті, деп хабарлайды төтенше жағдайлар министрлігі Telegram парақшасында.

Төтенше жағдайлар министрлігінің мәліметіне сүйенсек, оқиға орнына жедел-құтқару жасағының құтқарушылары дереу жеткен.

Құтқарушылар балықшыны зембілмен жартасты, таулы жерлермен жаяу тасыған.

Сонымен қатар төтенше жағдайлар министрлігі су айдындарында қауіпсіздік ережелерін сақтау қажеттігін еске салды.

Мәтіннен қате тапсаңыз, бізге жазыңыз