КӘАҚҚ РОШ тау-кен құтқарушылары штатының қысқаруына қатысты ақпаратқа пікір білдірді

Бұған дейін желіде тау-кен құтқарушыларының штаты қысқарылуы мүмкін деген ақпарат тараған болатын. КӘАҚҚ РОШ бұл ақпарат шындыққа жанаспайтынын айтты, деп хабарлайды KAZ.NUR.KZ ұйым баспасөз қызметіне сілтеме жасап.

Кәсіби әскерилендірілген авариялық-құтқару қызметтерінің республикалық орталық штабы (КӘАҚҚ РОШ) ресми сайтының хабарлауынша, ұйымда тау-кен құтқарушыларының штатын қысқарту жоспарланбаған.

"Штаттың қысқаруы туралы таралған ақпараттың барлығы шындыққа жанаспайды", – делінген штаб хабарламасында.

Сондай-ақ КӘАҚҚ РОШ қазіргі уақытта Костенко шахтасында апаттық-құтқару жұмыстары аяқталып жатқанын атап өтті.

"Түстен кейін сағат екіде Қарағанды филиалының "Шахтинский" жасағы казармалық позициядан шығарылған. Қазіргі уақытта шахтада бір жасақтың көмегімен жұмыстар жалғасуда, сондай-ақ газ деңгейін бақылау үшін тағы бір бөлімше тартылуда", – деп қосты КӘАҚҚ РОШ хабарламасында.

Естеріңізге салсақ, 28 қазанда Қарағанды облысындағы Костенко атындағы шахтада жарылыс болды.

Апат кезінде шахтада 252 адам болған, олардың 205-і жер бетіне шығарылған.

Төтенше жағдайлар министрі Сырым Шәріпханов үкімет отырысында іздестіру-құтқару жұмыстары барысында 45 кеншінің денесі және алдын ала болжам бойынша қаза тапқан 46-адамның дене бөлшектері табылғанын мәлімдеген еді.

29 қазан Қазақстан Республикасында Жалпыұлттық аза тұту күні болып жарияланды.

Мәтіннен қате тапсаңыз, бізге жазыңыз