Павлодардағы тұрғын үйде өрт шығып, адамдар эвакуацияланды (видео)

Бүгін Павлодардың өрт сөндірушілері бес қабатты үйдегі өрттен 6 тұрғынды эвакуациялады, деп хабарлайды ТЖМ Telegram-дағы ресми арнасында.

ТЖМ мәлеметінше, 27 қарашада сағат 10.16-да 5 қабатты тұрғын үйдің 2-қабатындағы пәтерде өрт болды.

Құтқарушылар 3 ересек адам мен 3 баланы баспалдақпен эвакуациялады.

"Апат медицинасы орталығының қызметкерлері зардап шеккен үш адамға көмек көрсетті.

Өрт сағат 10.48-де жойылды", - делінген хабарламада.

ТЖМ өкілдері өрт қауіпсіздігі ережелерін сақтауды еске салды.

Мәтіннен қате тапсаңыз, бізге жазыңыз