"Тоғызы – қазақстандық": Алматыдағы хостелде қаза тапқан барлық азаматтың жеке басы анықталды

Алматыдағы хостелде өрт салдарынан қаза тапқан азаматтардың жеке басы анықталды. Бұл туралы қалалық полиция департаментінен хабарлады.

Алматы қалалық полиция департаменті өкілдері қайтыс болған 13 адамның барлығының кім екені анықталғанын мәлім етті.

"Қайтыс болған 13 адамның төртеуі шетелдік (Ресей федерациясының 2 азаматы және Өзбекстанның 2 азаматы), қалған 9-ы - Қазақстан азаматтары", - делінген хабарламада.

Полиция сот-медициналық сараптама тағайындады.

Бұған дейін полиция хостелден шыққан өртке қатысты Қылмыстық кодекстің 292-бабы "Өрт қауіпсіздігі талаптарын бұзу" бойынша іс қозғалғанын мәлім еткен болатын. Аталған бап бойынша кінәлі деп танылғандарға 5 жылдан 10 жылға дейін бас бостандығынан айыру жазасы көзделген.

Мәтіннен қате тапсаңыз, бізге жазыңыз