"Қысқы субұрқақ": Көкшетауда жолдың қақ ортасында су атқылады (видео)
Опубликовано:
Желіде Көкшетау көшелерінің бірінде атқылаған "қысқы субұрқақтың" видеосы тарап жатыр. Бұл оқиғаға қатысты қала әкімдігі өкілдері түсінік берді, деп хабарлайды KAZ.NUR.KZ.
Желіде жарияланған видеокадрларда жол бойында 2-3 метрдей биіктікке дейін су атқылаған. Бұл жайт бойынша Көкшетау әкімдігінің өкілдері пікір білдірді.
"Назарбаев көшесінде гидранттарда ақау шықты. Қазіргі уақытта ақаудың себептері анықталып, жою бойынша жұмыстары жүргізілуде. Қала тұрғындарынан пайда болған олқылықтар үшін кешірім сұраймыз", - делінген хабарламада.
Оқиға орнына Көкшетау қаласының әкімі Бауыржан Ғайса барып, ақаудың себептерін білді.
"Ақауды жоюға "Су арнасы" мекемесі мен Өрт сөндіру қызметкерлері жұмылдырылды. Қазіргі уақытта су серпіні тоқтатылды, жөндеу-қалпына келтіру жұмыстары жүргізілуде", - деп хабарлады әкімдіктен.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2052529-qysqy-suburqaq-koksetauda-zoldyn-qaq-ortasynda-su-atqylady-video/