Астанада қала маңына қатынайтын бірнеше автобус уақытша тоқтатылды

Елордада күн райының бұзылуына байланысты қала маңына қатынайтын бірнеше автобус уақытша тоқтатылды. Бұл туралы Қалалық мониторинг және жедел әрекет ету орталығына сілтеме жасаған KAZ.NUR.KZ хабарлайды.

Орталық өкілдерінің хабарлауынша, № 308, 309, 315, 316, 327 қала маңына қатынайтын бағдарлардың қозғалысы ауа райының нашарлауына байланысты уақытша тоқтатылды.

Басқа қала маңына қатынайтын бағдарлар тоқтатылған жоқ.

Бүгін синоптиктер Астанада қар жауады деп болжаған еді. Күндіз ауа температурасы -6 градусқа дейін жетеді, түнде -12 градусқа дейін төмендейді. Желдің жылдамдығы – 9,2 м/с болады.

Бұған дейін Германияның барлық дерлік қаласында қоғамдық көліктер тоқтап тұрғанын жазған едік.