Алматы облысының таулы аймағында қар көшкіні жүріп, жолды жауып қалды

Алматы облысының тауларында бүгін қар көшкіні жүріп, жолды жауып тастады, деп хабарлайды облыс әкімдігіне сілтеме жасаған KAZ.NUR.KZ.

Сағат 11:35-те Еңбекшіқазақ ауданы аумағы, Асы обсерваториясының аумағында қар көшкіні жүрді.

Ол облыстық маңызы бар "Түрген – Батан" тасжолын (тасжолдың 24 км-де) жауып тастаған.

Оқиға орнына төтенше жағдайлар департаментінің (1 адам және 1 техника) және ТЖМ "Қазселқорғаныс" ММ (3 адам мен 1 техника) қызметкерлері шықты.

Қар массасының жалпы көлемі анықталып жатыр.

Әкімдік сондай-ақ жолдың бұл бөлігінде қозғалыс 2024 жылдың 1 мамырына дейін жабық екенін айтты.

Оқиға салдарынан зардап шеккендер жоқ.

"Оқиғаның салдарын жою жұмыстары қазірдің өзінде басталып кетті және барлығы реттеледі", - деп хабарлады ведомство өкілдері.

Құтқарушылар қар көшкіні адамдардың өмірі мен денсаулығына қауіп төндіретін, шаруашылық нысандарына және табиғи ортаға зиян келтіретін тау беткейлерінен қар мен мұздың жылдам, кенеттен жылжуы екенін атап өтеді.

Қар көшкіні қауіпті аймақта орналасқан елді мекендерге, спорт-сауықтыру кешендеріне, теміржолдар мен автомобиль жолдарына, электр желілеріне, басқа да нысандар мен құрылыстарға жиі қауіп төндіреді.

Қар көшкіні кезеңдері кезінде:

• құзыретті органдардың ескертулері туралы ақпаратты назардан тыс қалдырмаңыз;
• таулардағы жағдай туралы бұқаралық ақпарат құралдарындағы хабарларды үнемі қадағалап отырыңыз;
• қар көшкіні қаупі бар жерлерде аялдауға тоқтауға болмайды;
• қар көшкіні жүретін аумақтарда өте сақ болыңыз.

Мәтіннен қате тапсаңыз, бізге жазыңыз