Семейде балабақшадан өрт шықты (фото, видео)

Бүгін, 17 ақпанда кешкі уақытта Семейдегі балабақшалардың бірінен өрт шықты. Бұл туралы ТЖМ Telegram-арнасына сілтеме жасаған KAZ.NUR.KZ хабарлайды.

"17.37-де Абай облыстық ТЖД-нің 101 пультіне Семей қаласы Павлов көшесіндегі балабақшада өрт шыққаны туралы хабарлама келіп түсті. Келгеннен кейін балабақшаның 2-қабаты ашық жалынмен жанғаны анықталды", - делінген ТЖМ хабарында.

Өрт 18.05-те оқшауланды. Алдын ала алаң және өрттің себебі анықталып жатыр.

Өрт орнында жеке құрамның 37 адамы, 9 техника жұмыс істегені хабарланды.

Мәтіннен қате тапсаңыз, бізге жазыңыз