Астанадағы жиһаз цехынан ірі өрт шықты (фото)

Астанада жиһаз жасайтын цехтің ангарынан өрт шықты, деп хабарлайды елордалық ТЖД Instagram-дағы парақшасында.

Ведомство мәліметінше, 19 ақпанда сағат 08:44 минутта елордалық ТЖД-ның өрт сөндіру бөлімшелері шақырудың жоғары рангы бойынша Көктал 28 мекенжайына шыққан.

Алдын ала ақпарат бойынша өртсөндірушілер келіп жеткенде 500 ш.м аумақта жиһаз жасайтын цехтің ангары өртеніп жатқаны анықталған. Сол жерде өрт сөндіру штабы құрылған.

"Қазіргі кезде өртті сөндіру жұмыстарына Астана қаласы ТЖД жеке құрамының 54 адамы мен 12 техникасы, сонымен қатар Апаттар медицинасы орталығының 3 адамы және 1 техникасы жұмылдырылды", - делінген астаналық ТЖД таратқан хабарламада.

Төтеншеліктер сағат 10:14-те өрт оқшауланғанын хабарлады.

Мәтіннен қате тапсаңыз, бізге жазыңыз