Каспий теңізінің Ресеймен шекараcындағы аумақта қамыс өртеніп жатыр

Атырау облысында Каспий теңізінің жағалауында 100 гектар аумақта қамыс өртеніп жатыр. Жалын Ресеймен шекарадағы Құрманғазы ауданында тұтанған, деп хабарлйды KAZ.NUR.KZ ТЖМ-ге сілтеме жасап.

Ведомсто мәліметінше, 2 наурызда сағат 15:45-те Атырау облысында Каспий теңізінің жағалауында, Құрманғазы ауылынан 40 км жердегі Құрманғазы орманшылығының аумағында алдын ала болжам бойынша 100 га алаңда қамыс жанды.

Өртті сөндіруге Құрманғазы ауданының №7 өрт сөндіру бөлімі, Орман шаруашылығы, ЖАО-дан 36 адам, 5 мотопомпас, 1 техника, 4 мотоқайық тартылды.

"Өрт өндіру жалғасуда. Елді мекендерге қауіп жоқ.

Батпақты жер мен қамыстың тығыз және қалың өсуі өртті сөндіруге қиындық туғызып жатыр. Бұл техниканың өтуіне кедергі келтіруде", - делінген хабарламада.

Мәтіннен қате тапсаңыз, бізге жазыңыз